Papel en blanco, con lápiz e sacapuntas. Quere evocar o medo ó papel en branco antes de comezar a escribir (neste caso preparar unha subvención)

Principais subvencións para festivais de música en Galicia

Se organizas un festival de música en Galicia e estás buscando financiación, unha posible opción é pedir una subvención. Refírome concretamente as subvencións que algúns organismos públicos de Galicia convocan para apoiar a organización de festivais de música. Pero, que organismos subvencionan festivais de música en Galicia? e que tipo de axudas dan?

TIPOS DE AXUDAS

Os entes públicos poden apoiar a organización de festivais de diferentes xeitos.

Hai que distinguir dous tipos de axudas: de adxudicación directa ou de concorrencia competitiva.

A adxudicación directa consiste en negociar directamente co organismo para que apoie o festival, por exemplo co concello do lugar onde se vai celebrar o evento. Estas axudas tamén poden ser en especie (ex. a carpa, o grupo electróxeno).

A concorrencia competitiva quere dicir que o organismo anuncia (publica na web e nos diarios oficiais) que vai apoiar festivais. Ao sabelo, varias organizacións preséntanse é cé compiten para ver quen consegue os cartos. Estas “competicións” son as famosas subvencións.

SUBVENCIÓNS PARA FESTIVAIS

Unha subvención é unha axuda económica que outorga unha administración pública a cambio de cumprir determinadas condicións (por exemplo: que o evento sexa gratuíto, que un terzo dos grupos sexan de Galicia, etc.). Normalmente, esta axuda económica concédena antes da realización do evento, pero o pagamento fano despois de que pase o evento. É dicir, hai que adiantar os cartos.

Se queres saber como pedir unha subvención podes consultar o artigo “Como pedir unha subvención para un festival de música en Galicia”.

QUEN SUBVENCIONA FESTIVAIS EN GALICIA?

En Galicia, as principais entidades públicas que apoian económicamente a organización de festivais son:

Ademais, a Xunta de Galicia, a través da Consellería de Cultura e Turismo ou da Axencia Turismo de Galicia, e determinados concellos convocan subvencións para festivais de música. A continuación vai un mini-resumo de cada unha das subvencións, para que as vaiades vendo e preparando para o ano que ven.

AGADIC

Dende 2012, a Axencia Galega de Industrias Culturais convoca anualmente  unha subvención para a organización de festivais de artes escénicas e de música.

Ademais, en 2019 sacou xunto coa Axencia de Turismo de Galicia unha subvención para as programacións culturais realizadas polas localidades onde discorren os diferentes camiños de Santiago.

Subvencións a festivais de artes escénicas e de música

Subvencións do programa Cultura no Camiño

DEPUTACIÓN DE PONTEVEDRA

A deputación de Pontevedra convoca axudas para apoiar o desenvolvemento e organización de festivais e certames de artes escénicas e de música na provincia de Pontevedra.

Ademais, a Deputación de Pontevedra conta co programa MUSIGAL, que funciona como unha bolsa de artistas para os concellos.

Subvencións a entidades sen ánimo de lucro para apoiar o desenvolvemento de festivais musicais e de artes escénicas na provincia de Pontevedra

  • Data de publicación: 21 de febreiro de 2019
  • Prazo de presentación: Entre o 22 de febreiro e o 15 de marzo de 2019
  • Bases (BOPPO 21/02/2019)
  • Extracto da convocatoria (BOPPO 21/02/2019)

DEPUTACIÓN DA CORUÑA

Subvencións a entidades sen fins de lucro para o apoio ao desenvolvemento de festivais audiovisuais, musicais e de artes escénicas na provincia da Coruña

  • Data de publicación: 16 de xaneiro de 2019
  • Prazo de presentación: Entre o 17 de xaneiro e o 15 de febreiro de 2019
  • Bases (BOP 08/01/2019ç
  • Extracto convocatoria (BOP 16/01/2019)

Como podedes ver, a maioría destas subvencións, convócanse ó longo do primeiro trimestre do ano, é dicir, entre xaneiro e marzo. O prazo para solicitalas soe ser curto (arredor de 30 días) polo que é recomendable prepararse antes, pois a maioría das subvención que aquí indicamos saen cada ano con características moi semellantes.

Se queres que te bote unha man solicitando unha destas subvencións, contacta conmigo!

0 replies

Leave a Reply

Want to join the discussion?
Feel free to contribute!

Deixa unha resposta

O teu enderezo electrónico non se publicará Os campos obrigatorios están marcados con *